УЛАМЖЛАЛТ ЭМНЭЛЭГ, БАРИА ЗАСАЛ
Уламжлалт эмнэлэг, бариа засал
Манай Сэцэн Мед уламжлалт эмнэлэгийн сэргээн засахын кабинет нь УАУ-ны эмнэлзүйн удирдамж стандартын дагуу амбулаторийн эмчилгээ, үйлчилгээг үзүүлж байна.
“Уламжлалт Анагаах ухааны дөрвөн үндэс”-д эрүүл орших нь хий, шар, бадган буюу 3 гэм, 7 тамир, 3 хир тэнцвэртэй байвал дүр эс урвасан буюу бие эрүүл оршино гэж заасан байдаг.
Дүр урвасан буюу өвчин гэдэг нь гадаад, дотоод хүчин зүйлийн нөлөөгөөр дээрх бүгэд тэнцвэрт байдал алдагдхийг хэлдэг бөгөөд УАУ-нд аливаа өвчнийг явц болон хүчээс хамаарч 4-н ерөндгөөр анагаана хэмээдэг.
- Идээ унд: Гадна улирал, бие махбодийн онцлог, хоол хунсний амт чанар, хэмжээг тохируулан идэж ууваас өвчнөөс урьдчилан сэргийлэх, өвчнийг эдгээх идээний ерөндөг.
- Явдал мөр: Улирал цаг агаарт тохируулан хувцаслах, ажил амралтаа өөрт тохируулах, зөв зохистой дасгал хөдөлгөөн спортоор хичээллэх зэрэг нь явдал мөрийн ерөндөг. Өвчний хуч бага үед идээ явдал мөрөөр анагаах боломжтой байна
- Эм: Монгол эм тан (тан, талх, үрэл, зуурмал, тосон эм, хандан эм, архин эм, эрднийн эм) зэрэг амт, чадлаар найруулсан эмийн ерөндөг байдаг. 4.
- Засал: Хануур, төөнуур, хатгуур, жин зэрэг заслын ерөндөг. Өвчний хүч их явц хурц үед эм заслаар анагаана хэмээдэг
Манай эмнэлгийн тусламж үйлчилгээ
Үзлэг оношилгоо:
- Уламжлалт анагаах ухааны үзлэг оношилгоо
- судас барих
- шээс
- Гар заслын үзлэг оношилгоо
Үндсэн тусламж үйлчилгээ:
- Хануур засал
- Төөнүүр засал
- Зүү засал
- Бариа засал /бүтэн бие, хэсэгчилсэн бариа засал, гар засал /
- Бумба эмчилгээ /гулгуур, энгийн, галтай/
- Самнуур, шивүүр
- Зөгийн балтай татлага
Ерөнхий тусламж үйлчилгээ:
- Үндсэн зургаан өвчний оношилгоо, эмчилгээ
- Хурмал болон архаг өвчний оношилгоо, эмчилгээ
- Цул савын өвчний оношилгоо, эмчилгээ
- Эрэгтэйн өвчний оношилгоо, эмчилгээ
- Хэсэг бусга өвчний оношилгоо, эмчилгээ
- Эмэгтэйн өвчний оношилгоо, эмчилгээ
- Сэтгэцийн болон саа өвчний оношилгоо, эмчилгээ
- Шим авахуулах эмчилгээ
Голчлон хийгдэж буй тусламж үйлчилгээ:
- Мэдрэлийн гаралтай эмгэгүүд /нурууны мэдрэл, суудлын мэдрэлийн үрэвслүүд, нүүрний мэдрэлийн саажилт г.м/
- Хүзүү, нурууны өвдөлт
- Толгой өвдөлтүүд
- Нойргүйдлийн эмчилгээ
- Бөөрний тамир сайжруулах эмчилгээ
- Артерийн даралт ихдэлт
- Тархины цус харвалтын дараах эмчилгээ
1. ХАНУУР ЗАСАЛ
Хануур засал нь бүх биед тарсан өвчний хорыг цусны уураар гаргаж засах буюу хэсэг газарт тогтонгишиж шунасан өвчний муу цусыг өвчтний биед ханаж болох судлын бэлчирийг сонгож цус гаргах засал юм. Хүний биед хануур засал эмчилгээний 77 нэр төрлийн судал байдаг.
Хануур засал нь өвчний хор, урхаг, муу цус, түүний уурыг гадагшлуулан биеийн доторх амьд эд, эсийн тодорхой хэсэг гадагш гарах учраас түүнийг хэтрүүлэх, дутаах цаг нарыг нь олоогуйгээс биеийн дотоод хом хэмнэл алдагдах тул сайтар анхааран хануур хийх нь эмчилгээний чухал ач холбогдолтой.
Хануур засал эмчилгээний еренхий үүрэг, зарчим
Yүpэг:
- Элэг хамгаалах
- Шарын халууныг дарах
- Муу цусыг гаргаж бие махбодийг цэвэршуулэх
- Өвдөлт намдаах
- Муу цусны урхагийг арилгах
Зарчим:
- Элэгний эсийн үхжлийг багасгаж, цөсний зогсонгишлыг бууруулан элэг хамгаалах үйлдэлтэй.
- Цусны хоруу чанарыг гарган венийн судасны хавхлагуудыг сэргээнэ.
- Мэдрэлийн эсүүдийг цочроож, биеийн эсэргууцлийг дэмжин цусны эргэлтийг сайжруулна.
- Цус сэлбэлтийн нэгэн хэлбэр болдог дутуу боловсорсон цусны элементүүдийг гадагшлуул чөмөг, дэлүүнд дахин цусны дүрст элементийг үйлдвэрлэх боломж олгодог.
Заалт: Толгойны өвчин (архи, гал нарны нөлөөгөөр, цус шарын гэмээр толгой нэг газар хүчтэй өвдөх), нүдний өвчин (цус шарын халуунаар нүд улайх, нүдэнд цагаан унах), хамрын өвчин (хамар улайх, хавдах, битүүрэх), цус шарын гэмээр шүд, чих өвдөх, муу цусны гэмээр уруул харлаж үлхрэх, уушгины өвчин (уушгины халуун хатгалгаа), элэгний өвчин (элэгний дэлгэрсэн халуун), дэлүүний өвчин (муу цусны өвчнүүд), бөөрний өвчин (бөөрний халуун, цусаар шээх, муу цусны гэмээр даралт ихсэх), бөөрний гэмтсэн халуун (дээд, дунд, доод), зүрхний өвчин (цус шарын дэлгэрсэн халуун, муу цусны гэмээр зүрхээр өвдөх, даралт ихсэх), ходоодны цус шарын халуун чанартай өвчин, хошногоны гүвдрүү (шамбарам), нурууны өвчин (цус шарын гэмээр үүсгэгдсэн), хөлийн бам өвчин (вений судасны үрэвсэл), арьсны халуун шар усны гаралтай өвчнүүд.
Эсрэг заалт: Тамир тэнхээ доройтсон, бие, хэл, сэтгэлийн үйл хэтэрсэн, жирэмсэн эмэгтэйчүүд,
настайчууд, хүүхэд, уургийн дутагдалтай, тэжээлийн доройтол, хөнгөн, ширүүн, сэрүүн, идээ ундааг үргэлж шүтсэн, цус их алдсан, цус багатай, цусны өвчтэй, цус гоожимтгой хам шинж илэрдэг, сэтгэцийн эмгэгтэй, өвчтөнд ханах засал хийхийг цээрлэнэ.
Цээрлэх өвчин:
Цус багадалт, цусны өвчин, хорт хавдар, жирэмсэн эмэгтэйчүүд, цайвар хаван, их архаг, галын илч буурсан өвчин, сэтгэцийн өвчин, мэдрэлийн өвчин, хий бадганаас
болсон хүйтэн чанартай өвчнүүдэд ханах засал хийхгүй.
2. ТӨӨНҮҮР ЗАСАЛ
Зорилго: УАУ-д өвчнийг хураангуйлан халуун, хүйтэн гэж ангилан үздэг бөгөөд төөнүүр заслыг голлон бадган хийн хүйтэн өвчинд хийдэг.
Төөнүүр нь биеийн гадаргуу дээрхи биологийн идэвхит бэлчирээр дулааны болон эмт бодисын үйлдлийг бие махбодид дамжуулан дархлалын тогтолцоог идэвхжүүлж, цус, тунгалгийн бичил эргэлтийг сэргээж, илчийг үүсгэх, хий цусны гүйдлийг тэгшитгэж өвдөлт намдаана.
Төөнүүр засал дам болон шууд гэж хоёр янз байдаг. Дам төөнийг төөнөх сүвэн дээр төөнүүрийг тавьж төөнөх, эсвэл тодорхой зайнаас шовгон төөнөөр буюу төөнүүрийн зориулалттай багажаар халаах, зохих тунг нь тааруулж төөнөнө.
Заалт: Эс шингэсэн өвчин, хоол боловсруулах тогтолцооны хүйтнээс үүссэн шингээлтийн эмгэг, цайвар хаван, усан хаван, бэтэг, хүйтэн шар, үе гишүүний шар усны өвчин, бэтэг, биеийн чалх тамир доройтсон, эмэгтэйчүүдийн хий бүрэлдсэн өвчин, бадган хүйтнээр толгой өвдөх, зүрхний хий, солио, ой ухаан сулрах, адын эмгэг, шээс, бэлгийн замын хүйтэн өвчин, бадган, хийн гэмээр үүсгэгдсэн эмгэгүүд.
Эсрэг заалт: Цус, шарын халуун давамгайлсан халуун өвчин, халдварт өвчин, гэмтсэн, хямарсан, хорын халуун өвчнүүд, амьсгалын замын харшлын өвчнүүд, эрхтний үүд, үр дамжуулах сувагт төөнүүр хийхийг хориглоно.
3. ЗҮҮ ЗАСАЛ
- Цахилгаан зүү
- Чихний зүү
- Гарын зүү
- Биеийн зүү
- Толгойн зүү
Зорилго:Биеийн гадаргууд байрладаг биологийн идэвхит сүвэнд зүү хатгаж арьс, булчин шөрмөс, суллан мэдэрхүйн хүлээн авууруудыг сэдээн цочроох замаар судас-мэдрэлийн тогтолцоог даган тасралтгүй эргэлдэх энерги цусны урсгалыг сэргээн, биологийн идэвхт бодисын ялгаралтыг идэвхжүүлэн нэмэгдүүлж, мэдрэл-шүүрэл-дахрлалын тогтолцоог тэнцвэржүүлэн, бие махбодын үйл ажилгааг тэгшитгэн эмгэгийг анагааж, бие махбодын өвчин эсэргүүцэх болон дасан зохицох чадавхийг өндөржүүлнэ.
Заалт: Үрэвсэл дарах, өвдөлт намдаах, тайвшруулах, сэргээх, халуун бууруулах, бодисын солилцоог идэвхжүүлэх үйлдлээр зүрх судас, амьсгал, шээс бэлгийн болон хоол боловсруулах замын үрэвсэл, төвийн болон захын мэдрэлийн эмгэгүүд, гэмтэл бэртэл түүний үлдэц, чих, хамар хоолой, нүдний эмгэг, бодисын солилцооны зарим өвчнүүд.
Харьцангуй эсрэг заалт: Тамир доройтсон өндөр настан, шалттгаан нь тодорхой бус өндөр халуурах, хорт хавдар, амьсгал, зүрх судас, элэг, бөөрний дутагдал, цусны даралт ихдэх өвчний II-III үе, халдварт өвчний хурц үе, жирэмсэн эхчүүд, нярай үе, сэтгэцийн эмгэгтэй хүмүүс, биеийн хүчний хүнд ажлын дараа.
4. БАРИА ЗАСАЛ
Зорилго:Суваг хэрдэсийн дагууд илэх, нухах, үрэх, чичиргээж доргиох аргаар арьс арьсан доорх өөхлөг эд, булчин, шөрмөс, хөлс, тосны булчирхайд сэдээлт өгч улмаар мэдрэлийн ширхэг, бичил цусны эргэлт, тунгалгийн зангилгаагаар дамжуулан тайвшруулах, цусны эргэлтийг сэргээх, арьсны тэжээллэг чанарыг нэмэгдүүлэх, булчин сулруулах, үрэвслийг дарах., өвдөлт намдаах.
Заалт: Өвчнөөс урьдчилан сэргийлэх, биеийн эсэргүүцлийг сайжруулах, зүрх судас, амьсгал, хоол боловсруулах шингээлтийн тогтолцоо, шээс бэлгийн замын үрэвсэл, төвийн болон захын мэдрэлийн эмгэгүүд, цус багадалт, цусны даралт тогтворгүй болж хэлбэлзэх, сэтгэц оюун санаа хямрах, саа саажилт, гэмтэл бэртэл түүний үлдэцүүд, арьсны халдварт биш үрэвсэл, чих, хамар хоолой, нүдний өвчин, бодисын солилцооны зарим эмгэгүүд.
Эсрэг заалт:Амьсгал, зүрх судас, элэг, бөөрний дутагдал, цусны даралт ихдэх өвчний II-III үе, хорт хавдар, хураагуур судасны эмгэг, цус алдалтууд, үений хурц үрэвсэл, арьсны хурц болон идээт эмгэг, ил шарх, гуя хөших өвчин, усан хаван.
ХЭСЭГЧИЛСЭН БАРИА ЗАСАЛ
Зорилго: Биеийн гадаргуугийн суваг хэрдэсийн дагууд нухах, дарах, илэх, үрэх аргаар сэдээлт өгөн цус, тунгалаг, хийн эргэлтийг сайжруулах, чангарсан булчинг сулруулах.
Заалт:Тухайн газрын эмгэг болон гэмтсэн хэсгийн үрэвслийг намдаах, өвдөлт дарах, хий, шар усны гэмээр үүссэн өвчнүүдийн үед зонхилон хийнэ.
Эсрэг заалт: Хэсэг газрын ил шарх, арьсны идээт, хурц үрэвсэл, гэмтсэн дэлгэрсэн халуун.
5. БУМБА (СОРУУЛ) ЗАСАЛ
Зорилго: Хэсэг газрын мэдрэлжүүлэлт, цус, тунгалаг, хийн эргэлтийг сайжруулснаар үрэвсэл дарж, өвдөлтийг намдаах, цэр ховхлох, халуун бууруулах, амьсгаадалтыг зогсоох. Галт бумба, хүйтэн бумба гэж хоёр янз байдаг.
Галт бумбыг хий-бадган хавсарсан хүйтэн өвчинд, хүйтэн бумбыг цус шарын гаралтай халуун өвчинд хэрэглэнэ. Галт бумбыг бамбар асааж бумбан дотор улалзуулан бумба болон агаарыг нь халааж сийрэгшүүлэнэ.
Хүйтэн бумбыг бумба тавих хэсэгт бумбаа байрлуулан тусгай шахуургаар дотрох агаарыг нь соруулж сийрэгшүүлнэ.
Заалт: Зүрх судас, амьсгал, тулгуур эрхтэний эмгэгүүд, ууц нурууны өвдөлт, мэдрэлийн гаралтай шээс бэлгийн болон эмэгтэйчүүдийн эмгэг, өвдөлтүүд.
Эсрэг заалт: Арьсны тууралт, идээт үхжилт үрэвсэл, хэт мэдрэг арьс, тамир хэт суларсан, цусны өвчнүүд.
БУМБАТ ИЛЛЭГ
Зорилго: Арьсны хүлээн авууруудыг цочроож төв мэдрэл, зүрх-судасны тогтолцоонд сэдээлт өгөн цус, тунгалаг, хийн эргэлтийг сэргээн, сэтгэл санааг тайвшруулан, амьсгалыг уужруулж, цэр ховхлох, халуун бууруулах, өвдөлт намдаан эрч хүч нэмэх.
Заалт: Хүзүү, сээр, бүсэлхий нурууны остеохондроз, цусны даралт ихсэх өвчин, уушги, гуурсан хоолойн үрэвсэл, гуурсан хоолойн багтраа, нойр хулжих, сэтгэлээр унах.
Эсрэг заалт: Уушиг зүрх судасны хурц дутагдал, хэсэг газрын ил шарх, харшилын гаралтай тууралт, арьсны идээт хурц үрэвсэл.
6. САМ СОРУУЛ /шивүүр/
Зорилго: Хий цус зогсонги болсноос өвдөж буй биеийн хэсэгт тусгай зориулалтын хутга зүүгээр нижгээд хатган шивж дээр нь бумба тавьж хөхүүлэн цусыг гадагшлуулж бичил судас, тунгалгийн эргэлт, хийн гүйдлийг сайжруулах замаар бие махбодын өвчин эсэргүүцэх чадавхийг сэргээн, үрэвсэл дарж, өвдөлт намдаах, хаван арилгах, халуун бууруулах.
Заалт: Хүзүү, сээр, ууцны нурууны остеохондрозын болон бусад шалтгааннаар
өвдөх, цус шар усны эмгэгээр өвдөх, үе хавдаж улайж өвдөх.
Эсрэг заалт: Биеийн тамир доройтсон өндөр настан, амьсгал, зүрх судас, элэг, бөөрний дутагдал, жирэмсэн эхчүүд, цусны бүлэгнэх чадвар буурсан, цус багадалт.
7. ЗӨГИЙН БАЛТАЙ ТАТЛАГА
Зорилго:Хэсэг газрын мэдрэлжүүлэлт, цусны урсгал, тунгалаг, хийн эргэлтийг сайжруулснаар үрэвсэл дарж, өвдөлтийг намдаах, цэр ховхлох, халуун бууруулах, амьсгаадалтыг зогсоох.
Заалт: Хүзүү, сээр, бүсэлхий нурууны остеохондроз, цусны даралт ихсэх өвчин, уушги, гуурсан хоолойн үрэвсэл, ханиалгах, цэр ховхрохгүй байх.
Эсрэг заалт: Зүрх судас, уушгины хурц дутагдал, хэсэг газрын ил шарх, арьсны идээт хурц үрэвсэл.
Бидний Мэдрэл булчингийн цахилгаан бичлэгийн аппарат тухай
Сэцэн мед эмнэлэг нь Японы Nihon Kohden корпорацийн 2022 оны хамгийн сүүлийн загварын төхөөрөмжөөр мэдрэл булчингийн цахилгаан бичлэгийг хийж байна.
2022 оны хамгийн сүүлийн үеийн технологи ашиглаж байгаа нь зардлын хувьд өндөр боловч шинжилгээний хариуг хамгийн үнэн зөв гаргадаг чухал онцлогтой. Үүнээс гадна дараах онцлогуудтай:
- Оношийн өндөр ач холбогдол
- Цаг хэмнэсэн сонголт
- Ашиглахад хялбар сүүлийн үеийн эмнэлзүйн программ хангамж
Нийтлэл:
Ахлах Зэргийн Эмч:
Ахлах зэргийн Эмч: Т.Мандах
Их эмч:
Эмч: Н.Эгшиглэн