Хөдөлмөрийн чадвар түр алдсаны тэтгэмж буюу эмнэлгийн лист бодох аргачлал
“Эрхэм Түнш Консалтинг” энэ удаагийн нийтлэлдээ “Хөдөлмөрийн чадвар түр алдсаны тэтгэмж буюу эмнэлгийн лист бодох аргачлал” гэх асуултад хариулж байна.
Ямар нөхцөлд лист бодох вэ?
Тэтгэмжийн даатгалын шимтгэлийг ердийн өвчин ахуйн ослын улмаас хөдөлмөрийн чадвараа түр хугацаагаар алдахаас өмнө 3 ба түүнээс дээш сарын хугацаагаар төлсөн даатгуулагч хөдөлмөрийн чадвараа түр алдсаны тэтгэмж буюу лист бодох эрх үүснэ.
Хөдөлмөрийн чадвар түр алдсаны тэтгэмжийг даатгуулагчийн тэтгэмжийн даатгалын шимтгэл төлсөн хугацаанаас хамаралтайгаар сүүлийн бүрэн ажилласан 3 сарын хөдөрмөрийн хөлсний дундажаас дор дурьдсан хувь хэмжээгээр бодно.
Лист бодох хувь
| Шимтгэл төлсөн хугацаа | Шимтгэл бодох хувь |
| 5 хүртэл жил | 50% |
| 5-14 жил | 55% |
| 15 ба дээш жил | 75% |
Лист бодох хугацааны хязгаар
| Тэтгэмж олгох хугацааны нэг удаагийн дээд хязгаар | Ажлын 66 өдөр |
| Хуанлийн жилд удаа дараа өвдсөн тохиолдолд | Ажлын 132 өдрөөс хэтрэхгүй |
| Хорт хавдар эсхүл сүрьегээр өвдсөн тохиолдолд | Ажлын 132 өдөр |
Цэргийн албан хаагчийн хөдөлмөрийн чадвар түр алдсаны лист бодох:
Цэргийн алба хаагч өвчилсөн, осолд өртсөний улмаас хөдөлмөрийн чадвараа түр хугацаагаар алдсан, цэргийн алба хаагч эмэгтэй хүүхдээ 196 хоног хүртэл тээгээгүй дутуу төрүүлсэн буюу үр хөндүүлсэн бол хөдөлмөрийн чадвар түр алдсаны тэтгэмж авах эрхтэй.
Хөдөлмөрийн чадвар түр алдсаны лист бодох, олгох хугацаа
- Хөдөлмөрийн чадвар түр алдсаны тэтгэмжийг хөдөлмөрийн чадвараа алдсан өдрөөс эхлэн чадвар нь сэргээгдэх хүртэл, эсхүл хөдөлмөрийн чадвар алдсан нь тогтоогдох хүртэлх хугацаанд тогтооно.
- Хөдөлмөрийн чадвар түр алдсаны тэтгэмж олгох хугацааны нэг удаагийн дээд хязгаар нь 13 долоо хоногоос хэтрэхгүй бөгөөд хорт хавдар болон сүрьеэгээр анх өвчлөхөд 26 долоо хоногийн хугацаанд хөдөлмөрийн чадвар түр алдсаны тэтгэмж олгож болно.
- Цэргийн алба хаагч хуанлийн жилд удаа дараа өвчилсөн тохиолдолд хөдөлмөрийн чадвар түр алдсаны тэтгэмжийг нийтдээ 26 долоо хоногоос илүүгүй хугацаанд олгоно. Хөдөлмөрийн чадвар түр алдсаны тэтгэмжийг ажлын өдрөөр тооцож олгоно.
Хөдөлмөрийн чадвар түр алдсаны лист бодох хэмжээ
- Цэргийн алба хаагч албан үүргээ гүйцэтгэж байх үеийн ослын шалтгаанаар хөдөлмөрийн чадвараа түр алдвал түүний сүүлчийн бүтэн ажилласан 6 сарын цалин хөлсний сарын дундажтай тэнцүү хэмжээгээр хөдөлмөрийн чадвар түр алдсаны тэтгэмж олгоно.
- Албан үүрэг гүйцэтгэхтэй холбогдолгүй осол, тарилгын дараахь хүндрэл, ердийн өвчний улмаас хөдөлмөрийн чадвар түр алдвал хөдөлмөрийн чадвар түр алдсаны тэтгэмжийг түүний сүүлийн бүтэн ажилласан 4 сарын цалин хөлсний сарын дунджаас дор дурдсан хувь хэмжээгээр бодож олгоно.
| Алба хаасан нийт хугацаа /жилээр/ | Лист бодох хувь хэмжээ /хувиар/ |
| 5 хүртэл жил | 50 |
| 5-14 жил | 60 |
| 15 ба түүнээс дээш | 80 |
Лист бодоох хүсэлт цахимаар гаргах заавар
Холбоотой линк
- Татварын тайлан өгөх хугацаа 2023 он
- Гэрээт нягтлан бодогчийн гэрээний загвар
- Санхүүгийн тайланг энгийнээр тайлбарлая
- Ххоат-ын хөнгөлөлт чөлөөлөлт
.
