Гутал арчлах шалгарсан 4 арга

Шэйр хийж түгээх

Бид нийтлэл бүрээрээ танд хэрэгтэй мэдээллийг дамжуулдаг билээ “Гутал арчлах шалгарсан 4 арга”-ийг бэлтгэн хүргэж байна.

Moda di Lusso/Bagatt

Хаяг: Улаанбаатар Их Дэлгүүрийн 5 давхарт

Зочлох Залгах

Гутал арчлах энгийн аргууд

Та ямар ч гуталтай байлаа гэсэн аятайхан арчилж цэвэрлээд өмсчихвөл сайхан л харагдана. Хэчнээн шинэ загварын дэгжин гуталтай байлаа гэсэн шороо тоос дарчихсан байвал ямар сайхан байхав дээ. Ингээд их хотын гудамжаар өөртэй итгэлтэй өөдрөг алхахад тань дэм болж, гутлаа хэрхэн арчлах талаар бяцхан зөвлөгөөг хүргэе.

Илгэн гутал арчлах арга

Зарим хүн илгэн гутлыг арчлахад төвөгтэй, тоос шороог нь зүгээр л арчихаас өөр боломжгүй гэж ойлгодог. Үүнээс үүдээд илгэн гутлыг худалдан авах сонирхолгүй байдаг. Илгэн гутлыг цэвэрлэхдээ эхлээд өнгөц тогтсон тоос шороог нь хуурай эсвэл маш бага чийгтэй алчуураар арчина.

Дараа нь гүн тогтсон толбо, тос, бохирдлыг зориулалтын баллуур эсвэл резин сойзоор цэвэрлээд элгэний өнгийг сэргээх, ус чийгээс хамгаалах шүршигчийг 20см зайнаас шүрших хэрэгтэй ажээ. Харин гөлгөр буюу үс багатай илгийг цэвэрлэхдээ мөн адил цэвэрлэж эхлэх бөгөөд өнгө сэргээх шүршигчийн оронд порлонтой өнгөлөгчөөр цэвэрлэж, дараа нь резинэн сойзоор үрвэл өнгө нь сэргэдэг.

Мөн цагаан талхаар үрвэл илгэн гуталд тогтсон толбо амархан арилна. Илгэн гутлыг шингэн зүйлээс хол байлгах хэрэгтэй. Цай, кофе асгачихвал илгэ халцардаг бөгөөд цэвэрлэх ямар ч аргагүй болдог. Тиймээс цас, бороотой үед ийм гутал өмсөх нь тааруухан сонголт юм.

Moda Di Lusso/Italy/

Хаяг: 13-р хороолол, Натурын зам “LUX HOUSE 3” байрны 1 давхарт

Зочлох Залгах

Арьсан гутал арчлах

Гутлын арьсыг гоёлын болон зөөлөн арьс, өнгөлсөн, өнгөлөөгүй, сайжруулсан гэх мэтээр ангилдаг. Гутлаа цэвэрлэхийн өмнө түүний арьсыг зөв тодорхойлох хэрэгтэй.

Гутлынхаа тоос шороог нь зөөлөн хуурай алчуураар цэвэрлэж, өнгө алдах, ус чийг болон нар салхинд хэврэгшихээс хамгаалах үйлчилгээтэй тос түрхэнэ. Ингээд тосыг арьсанд шингэсний дараа буюу гутлаа тосолсноос 5-10 минутын дараа үсэрхэг сойз, эсвэл хуурай даавуугаар арчиж өнгөлөөрэй.

Гутлыг өдөрт нэг л удаа ингэж цэвэрлэхэд хангалттай. Тоос шороо болбол зөөлөн алчуур эсвэл өнгөлөгч порлоноор арчихад хангалттай. Гутлыг зөв арчилснаар эдэлгээг нь уртасгаж болдог.

Цагаан өнгийн гутал арчлах

Цайвар гуталд тохирох тос олоход тийм ч амар байдаггүй. Тиймээс ч тосолсны дараа өнгө нь хувирах явдал олонтоо гардаг. Үүнээс зайлсхийхийн тулд гутлаа сонгинын шүүсээр арчих эсвэл өндөгний цагааныг сүүтэй хольсон шингэнээр арчиж болох юм.

Лакан гутал арчлах

Лакан гутал онцгой арчилгаа шаарддаг. Мэдээж түүнийг будах юм уу тосолж болохгүй. Өнгийг нь муухай болгож бүдгэрүүлэхгүйн тулд сард нэг удаа өндөгний цагаан ба тосон туулгын хольцоор зүлгэх хэрэгтэй. Эсвэл 50гр сүү, 5гр ургамлын тос холиод түрхэж ч болно.

Гутал арчлах бусад зөвлөгөө

Намар, өвлийн улиралд гутлаа өдөр бүр тосолж байвал гутлын шир зөөлөн болохоос гадна гутал нэвт нордоггүй.
Хараас бусад өнгийн гуталд наалдсан толбыг хэрчсэн сонгино, нимбэгийн шүүсээр, мөн савангийн уусмал шингээсэн хөвөнгөөр арчиж арилгана.
Лакан гуталд вазелин, глицерин, өндөгний цагаан зэргийг хааяа нимгэн түрхэж байвал лак нь хагарахгүй.
Хяхтнаж дуугардаг гутлын уланд хэдэн дусал ургамлын тос түрхээрэй.
Бариу гутлыг чийгтэй халуун даавуунд ороож, хэдэн минут болгоод ургамлын тос түрхэж нэг хоног байлгана.

Хөлийн тухай зарим баримтууд:

Хүний баруун зүүн хөлийн урт, өргөн өөр өөр байдаг.
Хөлд ирэх ачааллаас болж хөлийн хэмжээ бага зэрэг томордог.
Өглөө өмсөхөд таарч байсан гутал удаан ажилласны дараа хөлийг барьж эхэлдэг.
Хүн дунджаар өдөрт 8000-15000 алхдаг.
Хүний хөлд нийт 26 яс, 33 холбоос, 107 шөрмөс, 19 булчин байдаг.
Төрсний дараа эмэгтэй хүний хөл хагас размераар томордог.
Хүний хөлд 250,000 хөлсний булчирхай байдаг.
Хөлийн уланд 8,000 орчим мэдрэлийн цэг байдаг.
Өдрийн төгсгөлд хүний хөл хамгийн том хэмжээндээ хүрсэн байдаг.

Улаанбаатар хотын хамгийн загварлаг гуталтай дэлгүүрүүд:

1. Moda Di Lusso – 13р хороолол, Натурын зам “Lux House 3” байрны 1 давхарт /☎️77228292/
2. Balidoner – Улаанбаатар их дэлгүүрийн 5 давхарт /☎️88962426, 99884276/
3. Voile Blanche – Улаанбаатар их дэлгүүрийн 5 давхарт /☎️99301444, 99884276/