Сарын тэмдэг ирэхгүй байх 12 шалтгаан
Сарын тэмдэг ирэхгүй байх шалтгаанууд
Сарын тэмдэг ирэхгүй болсон тохиолдолд толгойд олон санаа орж ирдэг. Ялангуяа, бэлгийн харилцаанд орсон эмэгтэйчүүд жирэмсэн болсон байж магадгүй гэж сандрах нь их. Гэхдээ сарын тэмдэг ирэхгүй байх нь олон төрлийн шалтгаантай байдаг.
Сарын тэмдэг 2-3 хоног хоцорч байвал түүнд санаа зовох хэрэггүй. Харин 5-7 хоногоос илүү удаан хугацаанд ирэхгүй байх бөгөөд жирэмсний тест сөрөг гарсан бол эрүүл мэнддээ анхаарч эмэгтэйчүүдийн эмчид хандах хэрэгтэй.
Ийм нөхцөлд хамгийн чухал зүйл бол бусдын дам яриагаар эмчилгээ хийхээс зайлсхийх хэрэгтэй.
Сарын тэмдэг саатах шалтгаанууд
- Удаан үргэлжилсэн стресс
- Огцом жин хасах, жин нэмэх
- Архаг өвчний сэдрэл
- Архидалт, мансууруулах бодис хэрэглэлт
- Удаан хугацааны аялал
- Эмэгтэйчүүдээс бусад эрхтний хурц үрэвсэлт өвчин
- Жирэмслэлтээс хамгаалах дааврын бэлдмэл хэрэглэж эхлэх эсвэл өөр арга руу шилжих
- Бэлэг эрхтний мэс засал
- Таргалалт, дааврын тэнцвэргүй байдал
- Шээс бэлгийн тогтолцооны үрэвсэлт өвчнүүд
- Бэлэг эрхтний гэмтэл
- Үр хөндөлт эсвэл зулбалтын дараа
Сарын тэмдгийн мөчлөг нь гормоноор зохицуулагддаг тул зөвхөн эмчийн зааж өгсөн эмийн тусламжтайгаар сарын тэмдгийн хямралыг засаж болно.
Эмч юу үзэх вэ?
Эмэгтэйчүүдийн эмч танд үзлэг хийж, нэмэлт шинжилгээнүүдийг авч, онош тогтоох боломжтой.
- Эмэгтэйчүүдийн үзлэг
- Үтрээгийн эхо оношилгоо (жирэмслэлт, умай, өндгөвчний уйланхай, хавдар болон бусад шалтгаан шалгана)
- Цусны шинжилгээ (бета-hCG, TSH, T4, эмэгтэйчүүдийн дааврын шинжилгээ)
Эмэгтэйчүүдийн ямар өвчнүүдийн үед сарын тэмдэг ирэхээ больдог вэ?
- Өндгөвчний олон уйланхайжих хам шинж
- Өндгөвч эрт цуцах хам шинж
- Умайн дайврын үрэвсэлт өвчин
- Өндгөвчний үйл ажиллагааны уйланхайнууд
- Умайн хоргүй хавдрууд
Сарын тэмдэг ирсэн үед жирэмслэх боломжтой эхний өдрийг тодорхойлох Тэмдэглэлээс хамгийн богино мөчлөгийн өдрийг тодорхойлно. Энэ тооноос 18-ыг хасна. Сарын тэмдэг ирсэн эхний өдрөөс хасагдсан өдрийг Y гэж нэрлэнэ. Энэ Y өдөр нь тухайн сард жирэмслэх боломжтой эхний өдөр болно.
Сарын тэмдэг ирсэн үед жирэмслэх боломжтой сүүлийн өдрийг тодорхойлох Тэмдэглэлээс хамгийн урт мөчлөгийн өдрийг тодорхойлно. Энэ тооноос 11-ийг хасна. Сарын тэмдэг ирсэн эхний өдрөөс хасагдсан өдрийг Y гэж нэрлэнэ. Энэ Y өдөр нь тухайн сард жирэмслэх боломжтой сүүлийн өдөр болно.