1. Авлагын менежмент сул байх

Cashflow тасалдах хамгийн нийтлэг шалтгаан бол авлага хугацаандаа орж ирэхгүй байх явдал юм. Та үйлчлүүлэгчиддээ бараа, үйлчилгээгээ хүргэж, нэхэмжлэх илгээсэн ч төлбөр нь 30, 60, 90 хоногоор хойшилбол яах вэ? Цаасан дээр орлого тэмдэглэгдэж, ашиг гарч байгаа боловч банкны дансанд бэлэн мөнгө үгүй гэсэн үг.

Шийдэл:

• Гэрээний нөхцөлд төлбөрийн тодорхой хугацаа, хоцролтын торгуулийг заавал тусгах
• Урьдчилгаа төлбөр авах системийг нэвтрүүлэх (20-50%)
• Авлагыг өдөр тутам хянадаг CRM эсвэл нягтлан бодох бүртгэлийн программ ашиглах
• Том нэхэмжлэхийг хэсэгчлэн авах буюу milestone payment схем хэрэглэх

2. Бараа материалын илүүдэл нөөц

Олон бизнес эрхлэгчид “хямдхан байхад нь авах” гэсэн зарчмаар агуулахаа дүүргэдэг. Энэ нь бэлэн мөнгийг хөдөлгөөнгүй хөрөнгө болгон хувиргадаг хамгийн нийтлэг алдаа юм. Зарагдахгүй байгаа бараа таны мөнгийг “царцаасан” гэсэн үг.

Шийдэл:

• ABC анализ хийж, борлуулалтын эргэлт сайтай (A ангилал) барааг нь тодорхойлох
• Just-in-time нөөцийн арга барил нэвтрүүлэх
• Удаан хөдөлгөөнтэй бараагаа хямдруулан хурдан зарж, мөнгө болгох
• Нийлүүлэгчтэй consignment гэрээ хийх боломжийг судлах

3. Тогтмол зардал хэт өндөр байх

Орлого нь улирлын чанартай эсвэл тогтворгүй байдаг бизнес тогтмол зардлын хүнд ачаалал дор амархан унадаг. Түрээс, цалин, зээлийн хүү гэх мэт сар бүр заавал гарах зардал нь орлого буурсан үед cashflow-г шавхдаг.

Шийдэл:

• Тогтмол зардлыг хувьсах зардал руу шилжүүлэх (жишээ нь: бүтэн цагийн ажилтны оронд freelancer ашиглах)
• Том оффис түрээслэхээсээ илүү уян хатан coworking орон зай авч үзэх
• Зардлын аудит улирал бүр хийж, шаардлагагүй subscription, үйлчилгээг таслах
• Breakeven point буюу тэг ашгийн цэгээ тооцоолж, түүнээс доош орлого буухгүй байх стратеги боловсруулах

4. Cashflow төлөвлөгөө байхгүй

Олон бизнес эрхлэгчид P&L буюу ашиг алдагдлын тайланг л харж, cashflow forecast буюу бэлэн мөнгөний урсгалын урьдчилсан тооцоо хийдэггүй. Үр дүнд нь татвар төлөх хугацаа, ажилчдын цалин, зээлийн төлбөр зэрэг тогтмол гарах зүйлс гэнэт “гэнэтийн” зардал мэт санагддаг.

Шийдэл:

• 13 долоо хоногийн cashflow forecast загвар хийх (хамгийн оновчтой нь)
• Excel эсвэл Google Sheets дээр энгийн загвар үүсгэн, долоо хоног бүр шинэчлэх
• Хамгийн муу, дунд, шилдэг гэсэн 3 хувилбараар тооцоолох (scenario planning)
• Эрсдэлийн нөөц сан болгож 3-6 сарын үйл ажиллагааны зардлын хэмжээний мөнгийг тусгаарлах

5. Хувийн санхүүг бизнесийн санхүүтэй холих

Жижиг бизнес эрхлэгчдийн дунд хамгийн түгээмэл алдаа бол компанийн дансгүй хувь дансаараа үйл ажиллагаа явуулах явдал юм. Энэ нь зөвхөн нягтлан бодох бүртгэлийн будлиан үүсгээд зогсохгүй, бодит cashflow-гоо хэзээ ч мэдэхгүй болгодог.

Шийдэл:

• Бизнесийн дансаа хувийн данснаасаа бүрэн салгах
• Өөртөө тогтмол цалин тогтоож, түүнээсээ хэтрүүлэхгүй байх
• Бизнесийн орлогыг хувийн зардалд шууд зарцуулахгүй байх
• Сар бүр санхүүгийн тайлан гаргуулж, хянах зуршил тогтоох

Холбоотой линк

• Татварын тайлан өгөх хугацаа 2023 он
• Гэрээт нягтлан бодогчийн гэрээний загвар
• Санхүүгийн тайланг энгийнээр тайлбарлая
• Ххоат-ын хөнгөлөлт чөлөөлөлт

Бидний үйлчилгээ:

Нийтлэл: