Цээнийн баглаа, 2019 он

Дэлгэрэнгүй мэдээлэл

Зураачийн тухай: Нацагдоржийн МӨНХЗАЯА (1979 он, Улаанбаатар хот) нь зураач, хувцасны загвар зохион бүтээгч мэргэжилтэй.

• Хөгжим бүжгийн дунд сургуульд төгөлдөр хуурч Н. Ганчимэг багшийн удирдлага дор (1987-1990),
• Эрдэнэт хотын 5-р арван жилийн сургууль Л. Ганболд багшийн уран зургийн урланд (1990-1996 ),
• ДУДэС-ийн Л. Ганболд багшийн уран зургийн урланд (1997-1999), Урлах Эрдмийн дээд сургуулийн Хувцасны дизайн зохион бүтээлтийн ангийг Э.Энхчимэг багшийн урланд суралцаж (2006-2008) тус тус суралцаж бакалавр зэрэгтэй төгссөн.
• Мөн 2012 онд СУИС-д Г. Лхагвасүрэн багшийн магистрийн урланд суралцсан.Энэ хугацаанд Мөнхзаяа нь Энграм сургалтын төвд сургалт зохицуулагч
• (2003-2004), МҮОНТВ-ийн Хүүхэлдэйн киноны “Соно” студид туслах зураачаар
• (2005-2006), БНХАУ-н ӨМӨЗО-ны Хөх хотод өөрийн урланг нээж, уран зургийн дугуйлан (2009-2012),
• “Про-Арт” ХХК-д гүйцэтгэх захирал ( 2012- 2019), одоогоор Оросын Шинжлэх ухаан Соёлын төвтэй хамтран Zazama’s studio уран зургийн дугуйланг нээн ажиллуулж байгаа ба 2019 оноос хойш чөлөөт уран бүтээлчээр уран бүтээлээ хийж байна.

Үзэсгэлэн:

• “Уралдаан” бүтээлээр МУЭ-ийн эмэгтэй уран бүтээлчдийн хамтарсан үзэсгэлэнд (2013),
• “Отгонтэнгэр” болон “Цээнэ” бүтээлүүдээр МУЭ-ийн эмэгтэй уран бүтээлчдийн хамтарсан үзэсгэлэнд (2014),
• “Jazz man” бүтээлээр МУЭ-ийн эмэгтэй уран бүтээлчдийн хамтарсан үзэсгэлэн (2016),
• “Их хаан” болон “Цэцэгс” бүтээлүүдээр МУЭ-ийн эмэгтэй уран бүтээлчдийн хамтарсан үзэсгэлэн (2018),
• Улаанбаатар-2018 Олон улсын дүрслэх урлагийн наадамд “Хилэн” “Шүүлт” “Эх” бүтээлүүдээр хамтарсан үзэсгэлэн,
• Төв аймгийн Заамар суманд Уран зургийн галерей байгуулах төсөл хөтөлбөрт “Цайдам нуур” бүтээлээр хамтарсан үзэсгэлэн (2018),
• Цайдам нуур” болон “Цээнэ” бүтээлүүдээр МУЭ-ийн эмэгтэй уран бүтээлчдийн хамтарсан үзэсгэлэн (2019),
• “Өмнийн сайхан говь 2019″ төсөл хөтөлбөрт ” Улаанцав” болон ” Ёлын ам” бүтээлээр хамтарсан үзэсгэлэн (2019),
• ӨМӨЗО-ны Алашаа аймагт зохион байгуулагдсан “Алтан тоорой – 2019” олон улсын үзэсгэлэн (2019)
• “Өв соёл 2020” төсөл хөтөлбөрт “Улаан хад” бүтээлээр хамтарсан үзэсгэлэн (2020),
• “Монгол арт роүд 2021” төсөлд “Зоргол хайрхан” бүтээлээр тус тус оролцож байсан өсөж яваа залуу уран бүтээлчдийн нэг юм.