Зүрх өвдөх үед илрэх шинж тэмдэг
Танд доорх шинж тэмдэгүүд илэрвэл яаралтай мэргэжлийн эмчид үзүүлж, зөвлөгөө аваарай. Аливаа өвчинд шинж тэмдэг илэрнэ гэдэг бол зүгээр өнгөрүүлэх асуудал яавч биш. Танд доорх шинж тэмдэг илэрвэл хэвийн зүйл мэт бүү хандаарай.
1. Зүрх дэлсэх
Зүрх гэнэт хүчтэй дэлсэх нь зүрхний хэм алдагдлын илрэл байж болно. Мөн стресс, сэтгэл санааны тогтворгүй байдал, кофе, архи согтууруулах ундааны хэрэглээ, бие махбодийн хэт ачаалал зэрэг олон шалтгаантай.
Зүрх дэлсэх, толгой эргэх, бие сулрах шинж тэмдэг илэрвэл яаралтай эмчид хандах хэрэгтэй.
✅Уламжлалт анагаах ухаан
✅Дотор- Зүрх судас
✅ ЭХО-Дүрс оншилгоо хосолсон эмнэлэг
2. Дотор бачуурах
Тайван үед дотор бачуурах, амьсгалахад хүндрэлтэй болох, хоолой боочихсон мэт мэдрэмж төрөх нь зүрхний эмгэгийн шинж тэмдэг юм.
3. Ачаалалд амьсгаадах
Өмнө нь алхах, дасгал хийх гэх мэт эрчимтэй хөдөлгөөнд амьсгаадахгүй байсан бол одоо өдөр тутмын энгийн хөдөлгөөнд хүртэл амьсгаадаж байна уу ? Энэ нь зүрхний дутагдлын илрэл байж болзошгүй !
4. Хавагнах
Хаван нь зүрх, бөөрний эмгэг, эрдсийн дутагдлын үед үүсдэг бөгөөд зүрхний гаралтай хаван ихэнхдээ оройн цагаар, ачааллын дараа хөлийн шилбээр хаваганах магадлалтай. Энэ нь зүрхний эмгэгийн үед зүрхний цусаа шахах үйл ажиллагаа буурсантай холбоотой. Тиймээс танд хавагнах шинж тэмдэг илэрвэл бөөр болон зүрхний үйл ажиллагаагаа хамтад нь шинжлүүлэх хэрэгтэй.
5. Шээсний гарц багасах
Өдөр тутам ууж буй шингэний хэмжээнээс хамааралгүйгээр шээсний гарц мэдэгдэхүйц багасвал анхаарах хэрэгтэй !
6. Цээжний зүүн талаар, өвчүүний араар хөндүүрлэх
Цээжний өвдөлт нь зүрхний болон зүрхний бус шалтгаантай байдаг. Зүрхний гаралтай цээжний өвдөлт нь зүрхний титэм судасны нарийсал, зүрхний шигдээс, зүрхний булчингийн хүчилтөрөгчийн дутагдлаас үүснэ. Өвдөлт нь хүчтэй, давтамжтай илэрч, зүүн мөр, гар, хүзүү рүү дамжиж, амьсгал давчдах, хөлрөх, дотор муухайрах шинж дагалдаж байвал яаралтай эмчид хандах хэрэгтэй !
7. Ядарч сульдах, ачаалал даах чадвар буурах
🥱 Та хангалттай унтаж амарсан ч байнга ядарч, сульдаж байна уу?
Зүрх цусыг хангалттай шахахгүй үед бие махбодид хүчилтөрөгч дутагдаж ядарч сульдах зовиур илрэнэ. Зүрхний өвчлөлтэй хүмүүсийн 70% нь байнгын ядрах, тамирдах зовиуртай байдаг ! Тиймээс таньд дараах шинж тэмдэг илэрч байвал, яаралтай эмчид хандаарай:
✔ Зүрх дэлсэх
✔ Амьсгаадах, дотор бачуурах
✔ Хавагнах, шээсний гарц багасах
✔ Цээжээр хөндүүрлэх, өвдөх
✔Ядарч сульдах
💡 Эрүүл зүрх бол урт удаан амьдралын үндэс !
✅Уламжлалт анагаах ухаан
✅Дотор- Зүрх судас
✅ ЭХО-Дүрс оншилгоо хосолсон эмнэлэг
