Прогестерон дааврын шинжилгээ
Бэлгийн даавруудыг үндсэндээ гурван бүлэгт хуваадаг бөгөөд эдгээр нь: эстроген, гестаген, андроген юм.
- Эстроген дааврын гол төлөөлөл нь эстрадиол
- Гестаген бүлгийн гол даавар нь прогестерон бөгөөд
- 👉 Эдгээр хоёрыг хамтад нь эм бэлгийн даавар гэж нэрлэдэг.
Харин андроген нь эр бэлгийн даавар бөгөөд түүний үндсэн төлөөлөгч нь тестостерон юм.
Эстроген болон прогестерон дааврууд нь эмэгтэй хүний өндгөвчинд ялгарч, жирэмсний үед ихсээс нэмэлтээр ялгардаг. Харин андроген буюу тестостерон нь эмэгтэй хүний биед бага хэмжээгээр ч гэлээ өндгөвчнөөс ялгарч байдаг нь бие махбодийн тодорхой үйл ажиллагаанд оролцдог чухал үүрэгтэй.
Эмэгтэйчүүд, мэс заслын MedCare Clinic
Тав тухтай орчинд, хамгийн сүүлийн үеийн дэвшилтэт технологиор, олон жилийн туршлагатай мэргэжлийн чадварлаг эмч нар бүсгүй таны эрүүл мэндийг найдвартай хамгаалахын төлөө чанар стандартад нийцсэн эмчилгээ, үйлчилгээг үзүүлж байна.
✔️ Прогестерон дааврын бие махбодод гүйцэтгэх үүрэг
Прогестерон нь эмэгтэй хүний нөхөн үржихүйн үйл ажиллагаанд чухал үүрэг гүйцэтгэдэг гестаген бүлгийн гол даавар юм. Түүний үүрэг нь зөвхөн жирэмслэлт төдийгүй сарын тэмдгийн мөчлөг, умайн бэлэн байдал, хөхний хөгжил зэрэг олон үйл явцтай холбоотой.
🧬 Прогестероны гол үүргүүд:
- Өндгөн эсийн ялгарлыг зохицуулна– Сар бүрийн өндгөн эс гадагшлах (овуляци) процессод оролцдог.
- Жирэмслэлтийг дэмжинэ– Үр тогтсон өндгөн эс умайн салстад бэхлэгдэх таатай орчныг бүрдүүлнэ.
- Умайн салстын зузаарлыг хангана– Умайн хана хангалттай зузаан байхгүй тохиолдолд үр тогтсон өндгөн эс тогтож чаддаггүй.
- Жирэмслэлт хадгалахад оролцоно -Үр тогтсон тохиолдолд прогестерон ялгаралт үргэлжилж, салст бүрхүүлийг ховхрохоос сэргийлдэг.
- Үр шилжүүлэн суулгалтыг дэмждэг– Умайн орчинг зохицуулснаар IVF буюу үр шилжүүлэн суулгах үед үр хөврөлийг бэхлэгдэх нөхцлийг сайжруулна.
- Хөхний хөгжилд оролцоно– Бэлгийн бойжилт болон төрсний дараах үед хөхний эдийн хөгжилд эстроген, пролактин зэрэг бусад даавруудтай хамт оролцдог.
- Эрэгтэй хүний биед бага хэмжээгээр ялгардаг – Эр бэлгийн эсийн боловсрох үйл явцад туслах дэмжих үүрэгтэй байдаг.
⚠️ Прогестероны хэмжээ бага байх үед анхаарах зүйлс
Прогестерон даавар нь жирэмслэлтийг тогтвортой үргэлжлүүлэх, өндгөн эсийн ялгарал болон умайн орчныг бэлтгэхэд онцгой чухал үүрэгтэй. Түүний хэмжээ хэт бага байх нь жирэмслэх болон жирэмслэлтийг хадгалахад хүндрэл үүсгэх эрсдэлтэй.
Эмэгтэйчүүд, мэс заслын MedCare Clinic
Тав тухтай орчинд, хамгийн сүүлийн үеийн дэвшилтэт технологиор, олон жилийн туршлагатай мэргэжлийн чадварлаг эмч нар бүсгүй таны эрүүл мэндийг найдвартай хамгаалахын төлөө чанар стандартад нийцсэн эмчилгээ, үйлчилгээг үзүүлж байна.
🩺 Жирэмсэн биш үед илрэх шинж тэмдгүүд:
Прогестероны хэмжээ хангалтгүй байх нь дараах шинжүүдээр илэрч болзошгүй:
- Толгой өвдөх, мигрень
- Сэтгэл гутрал, нойргүйдэл, сэтгэл санааны тогтворгүй байдал
- Бэлгийн дуршил буурах
- Халуун оргих мэдрэмж
- Сарын тэмдгийн мөчлөг алдагдах эсвэл цус алдах
- Жирэмслэхгүй байх
🤰 Жирэмсний үед илрэх шинж тэмдгүүд:
Жирэмсэн үед прогестероны хэмжээ хэвийн бус, бага байвал дараах эрсдэлүүд үүсэж болзошгүй:
- Жирэмслэлтийн эхэн үед бага хэмжээний цус гарах, хэвлий орчмоор зовуурь мэдрэгдэх
- Хөх хөндүүрлэх, зовуурьтай байх
- Хэт ядрах, сульдах
- Цусан дахь сахарын хэмжээ буурах
- Үтрээ хуурайших
Эмэгтэйчүүд, мэс заслын MedCare Clinic
Тав тухтай орчинд, хамгийн сүүлийн үеийн дэвшилтэт технологиор, олон жилийн туршлагатай мэргэжлийн чадварлаг эмч нар бүсгүй таны эрүүл мэндийг найдвартай хамгаалахын төлөө чанар стандартад нийцсэн эмчилгээ, үйлчилгээг үзүүлж байна.
⚠️ Прогестерон хэт бага үед үүсэх дааврын тэнцвэргүй байдал
Прогестерон дааврын хэмжээ хэт бага байх эсвэл бараг байхгүй бол хүний бие дэх эстроген дааврын хэмжээ давамгайлж, бусад дааврын үйл ажиллагааг дарангуйлж эхэлдэг. Үүнийг эстроген давамгайлалт гэж нэрлэдэг бөгөөд олон төрлийн шинж тэмдэг, эмгэгийн суурь болдог.
🔍 Эстроген давамгайллын үед илэрч болзошгүй шинж тэмдгүүд:
❗ Жин нэмэх, ялангуяа хэвлийн орчим
❗ Бэлгийн дур хүсэл буурах, стресст амархан өртөх, сэтгэл санаа тогтворгүй болох
❗ Сарын тэмдгийн мөчлөг алдагдах, цус алдах, PMS буюу биений юмны өмнөх хам шинж хүчтэй илрэх
❗ Хөх хөндүүрлэх, хөхөнд уйланхай үүсэх
❗ Эндометриоз, өндгөвчийн уйланхай
❗ Цөсний хүүдийн өвдөлт, цөсний үйл ажиллагааны алдагдал
❗ Бамбайн булчирхайн үйл ажиллагааны алдагдал
✔️ Прогестерон дааврын ялгарлыг нэмэгдүүлэх энгийн аргууд
Прогестерон дааврын хэмжээ багасах нь эмэгтэй хүний нөхөн үржихүйн үйл ажиллагаа, сэтгэл санаа, дааврын тэнцвэрт байдалд сөргөөр нөлөөлдөг. Дараах энгийн аргуудаар та бие махбод дахь прогестероны түвшинг байгалийн аргаар дэмжих боломжтой:
♻️ 1. Ашигтай шим тэжээлт бодис агуулсан хүнс хэрэглэх
- Цинк (Zinc), магни (Magnesium) – дааврын нийлэгжил, стрессийн хариу урвалд оролцдог
- Витамин B6, C, E, D – өндгөвчний үйл ажиллагааг дэмжиж, прогестерон ялгарлыг өдөөх нөлөөтэй
👉 Эдгээрийг агуулсан хүнс: өндөг, самар, шош, навчит ногоо, жүрж, авокадо, наранцэцгийн үр, тослог загас
♻️ 2. Стресст өртөхөөс зайлсхийх
Стресс нь кортизол дааврын ялгарлыг нэмэгдүүлж, прогестероны нийлэгжилтэд саад болдог.
👉 Иог, бясалгал, дасгал хөдөлгөөн, чанартай унталт зэргээр тайвшрах дадалтай байх хэрэгтэй.
♻️ 3. Эмчилгээний арга зам
- Жирэмсэн эмэгтэйчүүд: Прогестерон дааврын хэмжээ хангалтгүй байвал эмчийн заавраар прогестерон агуулсан эм, лаа, тариа хэрэглэх шаардлагатай.
- Цэвэршилтийн үеийн эмэгтэйчүүд: Прогестероны бууралтыг нөхөх зорилгоор дааврын орлуулах эмчилгээ (HRT) хийгддэг бөгөөд энэ нь тодорхой хугацааны хяналт дор явагдана.
✔️ Прогестерон дааврыг нэмэгдүүлдэг ургамлууд
Дараах байгалийн гаралтай ургамлууд нь прогестероны түвшинг дэмжих нөлөөтэй гэж үздэг:
🌿 Луувангийн навч
🌸 Цээнийн цэцэг (Peony)
🌼 Цооргоны цомог (Chasteberry / Vitex)
🌿 Дөрвөлсөн мүгэз (Dong Quai)
🌱 Хунчир (Astragalus)
🌺 Яргуй (Primrose)
🌿 Бөөрөлзгөнийн навч (Raspberry leaf)
❗ Прогестероны түвшинг бууруулж болзошгүй ургамлууд
Дараах ургамлуудыг хэтрүүлэн хэрэглэх нь прогестероны хэмжээг дарангуйлж болзошгүй:
🍇 Улаан хошоонгор (Red Clover)
🍬 Чихэр өвс (Licorice Root)
🌰 Задь (Nutmeg)
Ахлах Зэргийн Эмч:
Эмэгтэйчүүдийн Ахлах Эмч: Х.Энх-Дэлгэр
Эмэгтэйчүүдийн эмч:
Эмэгтэйчүүдийн Эмч: Ж.Уранбилэг
Ижил төстэй нийтлэлүүд:
